Вести. Аланийы хабæрттæ. Социалон лæггæдты къабазы хуыздæр кусджытæн регионы сæргълæууæджы номæй радтой кады гæххæттытæ æмæ арфæйы фыстæджытæ

Алы куыстуæтты минæвæрттæн кадджын хæрзиуджытæ радтой Хицауады Сæрдары хæдивæг Платы Альбинæ æмæ республикæйы Сæргълæууæджы уынаффæгæнæг Тугъанаты Ларисæ. Мадзалы ма кад кодтой профессионалон дæсныйады Æппæтуæрæсеон конкурсы регионалон къæпхæны уæлахиздзаутæн. Ацы аз арæзт цæуы 9 традицион æмæ 6 сæрмагонд номинацийы.