Вести. Аланийы хабæрттæ. РЦИ-А Сæргълæууæг Сергей Меняйлойæн кусæг фембæлд уыди Владивостокы мэр Константин Шестаковимæ
РЦИ-А Сæргълæууæг Сергей Меняйлойæн кусæг фембæлд уыди Владивостокы мэр Константин Шестаковимæ. Бæстонæй æрдзырдтой дыууæ горæты экономикæйы, ахуырады, æнæниздзинадхъахъхъæнынады, культурæйы æмæ спорты къабæзты фидар бастдзинæдтыл. Фембæлды ма архайдта Дзæуджыхъæуы бынæттон администрацийы сæргълæууæг Милдзыхты Вячеслав дæр. Цæгат Ирыстоны æмæ Приморьейы сæйраг горæттæ æфсымæронтæ систы 2009-æм азы. Абон дыууæ муниципалитеты администрациты фæрцы Дзæуджыхъæуы æмæ Владивостокы хсæн экономикон æмæ культурон бастдзинæдтæн ис ног нысаниуæг. Сергей Меняйло арфæ ракодта уазджытæн. Йæ ныхæстæм гæсгæ, нырыккон дуджы ахсджиаг у, бæстæйы регионты æмхæларад. Цæттæ стæм дыууæ регионы цæрджытæн пайда чи уыдзæни, ахæм проекттæ æххæст кæнынмæ, загъта республикæйы разамонæг. Константин Шестаков куыд загъта, афтæмæй се ссыд баст у Дзæуджыхъæуы 240 азы бонимæ æмæ дыууæ горæты хæлар ахастдзинæдтæ тауынимæ. Сæрды кæрон Владивостокы байгом равдыст «Беслан. Минута тишины». Уазджытæн Цæгат Ирыстоны бацæттæ кодтой хъæздыг программæ.