Вести. Аланийы хабæрттæ. "Цæгат Ирыстон-Аланийы 100 азы. Йæ истори æмæ нырыккондзинад". Ахæм сæргондимæ наукон-практикон конференци арæзт æрцыд ЦИПУ
21 декабря 2024
11:35
"Цæгат Ирыстон-Аланийы 100 азы. Йæ истори æмæ нырыккондзинад". Ахæм сæргондимæ наукон-практикон конференци арæзт æрцыд Цæгат Ирыстоны паддзахадон университеты юридикон факультеты. Баст у æртæ юбилейон цауимæ. Цæгат Ирыстоны автономийы 100 азы, республикæйы конституцийы 30 азы, стæй университеты юридикон факультеты 55 азимæ. Мадзалы архайдтой нæ республикæйы алы уæлдæр ахуыргæнæндæтты студенттæ æмæ ахуыргæнджытæ, стæй Хуссар Ирыстонæй специалисттæ. Конференци адих кодтой æртæ хайыл – йæ байгом кæныны, стæй пленарон æмбырд æмæ секцитæ. Баст уыдысты Цæгат Ирыстоны паддзахады рæзтимæ æмæ Уæрæсейы паддзахады æмæ барады нырыккон фарстатимæ.