Вести. Аланийы хабæрттæ Цæгат Ирыстоны фæсивæдон галуаны та уыд аивкæсджыты дæсæм республикон конкурс "Ирон фæндыр"
18 октября 2025, 09:43
Цæгат Ирыстоны фæсивæдон галуаны та уыд аивкæсджыты дæсæм республикон конкурс "Ирон фæндыр". Мадзал баст у ирон литературæйы бындурæвæрæг Хетæгкаты Къостайы райгуырды 166 азы бонимæ. Алы ахуыргæнæндæттæй æмæ рæвдауæндæттæй сывæллæттæ се сфæлдыстад равдыстой поэты æмдзæвгæтæ бакæсгæйæ. Рæзгæ фæлтæры курдиатæн аргъ кодтой Цæгат æмæ Хуссар Ирыстоны артисттæ. Æрвылазон конкурсы нысан у ирон æвзаг æмæ литературæ парахат кæнын, стæй сфæлдыстадон æууæлтæ цы фæсивæдмæ ис, уыдонæн алывæрсыг æххуыс кæнын.
