Вести. Аланийы хабæрттæ. Мæздæджы зенитон-ракетон полчы æфсæддонты хъæппæрисæй арæзт æрцыди, кæй æрæппæрстой, ахæм æнæпилотон аппаратты равдыст-музей

Тæхæн аппаратты фрагменттæ ласт æрцыдысты сæрмагонд æфсæддон операцийы территорийы алы рæттæй. Ныр сæ фенæн ис музейы стендтыл. Тæхæн аппаратты фрагменттæй уæлдай ма дзы бæстон æвдыст цæуынц сæ тактикон-техникон хицæндзинæдтæ дæр. Цы техникæ æрæппæрстой, уый æууæлтæ бæстонæй рабæрæг кæнын нæ хæстонтæн æххуыс кæны æнцондæрæй дронтæн ныхкъуырд дæттынæн.