Вести. Аланийы хабæрттæ. Дзæуджыхъæуы национ наукон библиотекæйы ацыди фæсивæдон амалхъомдзинады фарстаты фæдыл æмбырд.

Мадзал бацæттæ кодта центр "Мой бизнес". Форумы фæлтæрдджын бизнесментæ сæ зонындзинæдтимæ базонгæ кодтой райдайгæ амалхъом адæмы. Бæстонæй сын радзырдтой бирæ азты цы механизмыл куыстой, уый тыххæй. Спикеры хуызы дзы раныхас кодтой республикæйы базарадон-промышленнон палатæйы уынаффæгæнæг Тугъанаты Хъазыбег, экономикон рæзты министры фыццаг хæдивæг Олег Быкадаров æмæ æндæр бæрнон адæм.