Вести. Аланийы хабæрттæ. Юрий Чайка сæххæст кодта Алагирæй 4-аздзыд Арина Чадаевайы бæллиц

Президенты æххæстбарджын минæвар Цæгат Кавказы федералон зылды Юрий Чайка сæххæст кодта Алагирæй 4-аздзыд Арина Чадаевайы бæллиц. Æппæтуæрæсеон акцимæ гæсгæ æххæстбарджын минæвар Ног азы заз бæласæй райста чызджы фыстæг. Куры дзы куклайы хæдзар. Йæ фæнд сæххæст – райста æхсызгон лæвар. Куклайы хæдзар ын Юрий Чайкæйы номæй радта Цæгат Ирыстоны сæйраг федералон инспектор Сергей Гончаров. Уæ зæрдыл уын æрлæууын кæндзыстæм, Ног азы хæрзаудæн акци "Бæллицты заз бæлас" æххæст кæны, царды зын уавæры чи бахауд, уыцы сывæллæтты бæллицтæ.