Вести. Аланийы хабæрттæ Елхотæн лæвæрд æрцыд "Æфсæддон намысы хъæуы" кадджын ном
3 мая 2025, 08:00
Елхот, Джызæл, Сырх-Дыгур æмæ Майрæмадагæн лæвæрд æрцыд "Æфсæддон намысы хъæуы" кадджын ном. Уый тыххæй закъон сфидар кодта Цæгат Ирыстоны Парламент. Закъоны проект æркæсынмæ бахаста республикæйы Сæргълæууæг Сергей Меняйло. Елхоты цæстыгагуыйау хъахъхъæнынц сæ намысджын истори. Уымæн æвдисæн ирддæр цыртдзæвæнтæй иу – Æрджынарæг. Ам цыдысты карз тохтæ. Елхоты 4 минæварæн радтой Советон Цæдисы Хъæбатыры стъалытæ. Ныхасы бар Чехойты Фатимæйæн.
