Амар Мэндэ, Буряадни Эфир от 10.08.2022
10 августа 2022, 04:30
Эгээл hайхан хүсэлөө үреэлсэжэ, Энэ үдэр амар мэндэеэ мэдэлсэжэ, Улам hайханаар байдалнай эрьежэ байг лэ! Амгалан үглөөнэй амар мэндэ, хүндэтэ манай нютагаархид! Сэнхир хүхэ нуурнуудтай сэлгеэ hайхан Яруунын арад зон, гайхамшагта хада уулануудтай, аршаан булагуудтай Хурамхаанайхид, ниислэлдээ хүршэнэр Ивалга, Загарайхид, хатан эжын адистай хонгор Хориинхид, юрэдөө, бүгэдэ hайхан ороноймнай алишье зүгэй арад зон, мэндээ! Амар мэндэ, Буряадни гэhэн дамжуулгамнай агаарай долгиндо. Һонирхолтой уулзалганууд, баяртай хэмжээ ябуулганууд, аша үрэтэй ажал хэрэгүүд тухай hони дуулгахабди, аялга дууншье зэдэлхэ – сэнхир дэлгэсэдээ дүтэлжэ, дулаахан гуламтадаа суглараял даа, хүндэтэ нютагаархид!
