Вести. Аланийы хабæрттæ Адæмон сфæлдыстады хæдзары байгом равдыст "Мæ Фыдыбæстæ"
25 июня 2024, 11:35
Адæмон сфæлдыстады хæдзары байгом равдыст "Мæ Фыдыбæстæ". Баст у Республикæ Цæгат Ирыстон-Аланийы 100 азы бонимæ. Пейзажтæ, натюрморттæ, гобелентæ. Уымæй дарддæр хъæдæрмæгæй æмæ керамикæйæ конд куыстытæ, национ кæлмæрзæнтæ æмæ адæмон куклатæ. Цымыдисаг равдысты æрмдæснытæ равæрдтой 300 куыстæй фылдæр. Автортæй алкæцы дæр бацархайдта йæхи регионы миниуджытæ раргом кæныныл.
