Хæххон паддзахадон аграрон университеты архайы ахуырадон-эксперименталон фермæ. Уым зонгæ кæнынц, цæрæгойтæм куыд зилын хъæуы, уыимæ. Ахæм ахуырадон комплексты нысантæй иу у студентты хъæууонхæдзарадон цымыдис кæнын. Ацы зонындзинæдтæ сæ æнæмæнг бахъæудзысты сæ куысты. Бæлвырддæр адзурдзæн Хъайтмазты Дзерассæ. Ноггуырд уæрыччы мад къæрцхъусæй лæууы, йæ лæппыны бахъахъхъæнынмæ цæттæйæ. Фидæны ветеринартæ сæм кæсынц хуымæтæджы нæ, фæлæ зонындзинæдтæ райсыны нысанимæ.