Мæздæджы районы Киевскæйы хъæуы байгом кодтой сæрмагонд æфсæддон операцийы Хъæбатырты Номыл сквер. Мемориалон комплекс арæзт у  мраморæй конд æртæ къæйдурæй. Сæ иуыл – хъæуы цæрæг, хистæр сержант Александр Ковленкойы къам. Уый, йе фсæддон хæс æххæст кæнгæйæ, хъæбатырæй фæмард Украинæйы. Иннæ дыууæ къæйдурыл та фыст æрцыдысты Мæздæджы районы æфсæддонты мыггæгтæ. Дыууæйæ дæр сæ амæлæты фæстæ хорзæхджынгонд æрцыдысты лæгдзинады Ордентæй.