Уæрæсейы сгуыхт нывгæнæг Джыккайты Мураты юбилейон равдыст байгом Тугъанты Махарбеджы номыл музейы. Экспозицийы уыдысты авторы 100 графикон æмæ 80 нывкæнынадон куысты. Ахæм стыр равдыст нывгæнæг 15 азмæ фыццаг хатт скодта. Портреттæ, æрдзы æмæ историйымæ баст нывтæ, стæй натюрморттæ. Йæ темæтæ сты алыхуызон. Равдыстмæ хаст цы нывтæ æрцыдысты, уыдоныл Мурат куыста фæстаг 3 азы. Экспозици сарæзтой мастеры 75 æмæ йæ дæсныйады 55 азты кадæн.