Республикон газет "Слово"-йы арæзт æрцыд мотоциклисттимæ пресс-конференци. Пресс-центрмæ æрбахуыдтой ирыстойнаг чемпионты Елхъанаты Ацæмæзы, Александр Кивайы, стæй Цæгат Кавказы федералон зылды æмæ Цæгат Ирыстоны мотоспорты Федерацийы президент Вячеслав Фисенкойы. Конференцийы скодтой хатдзæгтæ сæ афæдзы куыстæн, æмæ æрныхас кодтой спорты ацы хуызы райрæзты мадзæлттыл. Куыд загътой, афтæмæй фæстаг рæстæг мотоспорт нæ республикæйы кæны парахатдæр.