Наркотикты æнæзакъон зилдух, раздæрау, у бæстæйы национ æдасдзинады тæссагдæр фæзынд. Уый тыххæй Сергей Меняйло æрныхас кодта наркотикты ныхмæ къамисы æмбырды. Бæрнон кусджытæ фылдæр се ргом аздæхтой, никотин кæмæ хæццæ кæны, ахæм продукци æнахъом сывæллæтты хсæн парахат кæнын ма уадзыныл. Бахастой ахуыргæнæндæтты фылдæр профилактикон куыст кæныны фæндон.