Иғтибар үҙәгендә Башҡортостан балаларҙың йәйге ялына әҙер!

Республика мәктәптәрендә белем алған балаларҙың йәйге ялын ойоштороу һәм уҙғарыуға ҡаҙнанан быйыл 2 миллиард һум аҡса бүленә. Сумма кампанияны тейешле кимәлдә тәьмин итеүгә етергә тейеш. Мәктәптәрҙәге тәүге ял һәм хеҙмәт үҙәктәре иһә, киләһе аҙнала эш башлай. Был турала "Рәсәй-Башҡортостан" радиоһында эфирға сыҡҡан "Иғтибар үҙәгендә" тапшырыуында республика Фән һәм мәғариф министрлығының тәрбиә һәм өҫтәмә белем биреү буйынса бүлегенең әйҙәүсе белгесе Рәмзиә Биҡҡужина белдерҙе.