Цæгат Ирыстоны зынгхуыссынгæнджытæ Цæгат-Кавказы федералон зылды кад хъахъхъæнынц æппæтуæрæсеон конкурс-æркасты. Ирвæзынгæнджыты 17-æм хайады командæ ацы ерысты архайыны бар райста, конкурсы æвзарæн къæпхæн рамбулгæйæ, уыцы ерыстæ та Дзæуджыхъæуы ацыдысты апрелы. Архайдта дзы 18 командæйы. Специалисттæ сæ дæсныйад æвдыстой зын уавæрты кусынæй, цæлхдурты сæрты хизгæйæ сæ куыст цыбыр æмгъуыдмæ сæххæст кæнынæй.