Национ наукон библиотекæйы байгом Санкт-Петербурджы нывгæнджыты равдыст. Экспозицимæ хаст æрцыдысты 60 аивадон уацмысæй фылдæр. Конд сты алы жанрты: нывкæнынад æмæ графикæйы. Ам ма зæгъын хъæуы уый дæр, æмæ се ппæт дæр конд æрцыдысты 20-æм æнусы кæрон. Уыцы рæстæг аивад зынгæ ивддзинæдтæ бафæрæзта. Фыццаджыдæр ацы къабаз сног ис. Нывкæнынад сси æргомдæр, ирддæр æмæ, куыд фæзæгъынц, сæрибардæр.