Дзæуджыхъæуы дарддæр цæуы лифтыты кусæнгæрзты инвентаризаци. Уый фадат ратдзæн, сæ эксплуатацийы æмгъуыд кæмæн фæвæййы, æмæ техникон регламенты домæнтæн дзуапп чи нал дæтты, уыцы лифтты хыгъд сбæрæг кæнынæн. Куыстытæ кæнынц Дзæуджыхъæуы администрацийы, разамынддæттæг компаниты æмæ сæрмагонд организациты специалисттæ. Зæгъдзыстæм ма уый дæр, æмæ бæрæггæнæн куыст цæуы бæстон.