"Алæмæты диссæгтæ нæхи къухты". Республикæйы национ музейы байгом нывкæнынады аивады равдыст. Алы куысты фæстæ дæр дзы ис се нæниздзинад хъыгдард кæмæн у, ахæм сывæллæтты æмæ хистæрты стыр æмæ зæрдиаг архайд. Сæхицæн равдыст хуымæтæг экспозици нæу. Цы чысыл дуне сарæзтой, уым бавæрдтой сæ уды хъарм æмæ æгæрон уарзондзинад. Мадзал бацæттæ кодтой республикæйы фæллойы æмæ социалон рæзты министрад,  социалон лæггæдты Комплексон центримæ иумæ.