Нæ республикæйы райдыдта ирон адæмы кадджындæр бæрæгбæттæй иу – Джеоргуыба. Ахæссы æнæхъæн къуыри. Нæ фыдæлты æгъдæуттæ æххæст кæнынц алы хæдзары дæр. Традици баст у, хъæууонхæдзарадон куыстытæ кæронмæ кæй æрхæццæ сты, уыимæ. Алы хæдзар къуырийы иу бон равзары æмæ скæны йæ бæрæгбон. Æрбамбырд кæны сыхæгты æмæ скувынц Хуыцаумæ. Хæдзары фсинтæ бацæттæ кæнынц бæрæгбоны фынг.