Стыр цардмæ фæндаг чи гом кæны, уыцы документ. Уæрæсейы Федерацийы æвзонг цæрджытæ райстой сæ фыццаг паспорттæ. Скъоладзаутæн сæ радта Хицауады сæрдар Дзанайты Барис. Рæзгæ фæлтæрæн раарфæ кодта сæ царды ахæм ахсджиаг цауы фæдыл. Загъта сын, цæмæй уой зæрдæхæлар адæм, сæ райгуырæн зæххы æмæ Фыдыбæстæйы пайдайæн фæллой кæной. Паспорттимæ ма скъоладзаутæ райстой ноджыдæр иу ахсджиаг гæххæтт – Уæрæсейы Федерацийы Конституци.