Хæрзаудæн акцимæ йе вæрæн бахæссын у алкæйы бон дæр. Дзæуджыхъæуы рекламон агентадтæй иу райдыдта баннертæ мыхуыр кæнын. Бакæндзысты сæ горæты алы рæтты. Нысангонд сыл уыдзæн qr-код, цæмæй фæрæзтæ æрвитыны процедурæ æнцондæр уа. Уый у республикæйы сæргълæууæджы хъæппæрис. Сергей Меняйло куыд загъта, афтæмæй Цæгат Ирыстон цæттæ у, йæ хæдзæрттæ ныууадзын кæй хъæуы, ахæм 80 адæймаджы суазæг кæнынмæ, æмæ сæ æрбынат кæнын рæстæгмæ уæвыны пунктты.