Республикæйы аграрон къабазæн паддзахадон æххуысы бæрц ацы аз у 1 миллиард æмæ 200 милуан сомы. Ацы æмæ æндæр фарстатыл ныхас цыди хъæууон хæдзарады рæзты фарстаты фæдыл æмбырды. Абон 120 азы æххæст кæны Цæгат Ирыстоны мыхуыры фыццаг дзыллон информацийы фæрæз мадæлон æвзагыл "Ирон газет" куы рацыд, ууыл. Рауагъдыл куыстой ирон интеллигенцийы ирддæр минæвæрттæ. Мæздæджы районы ветеранты Советы минæвæрттæ рæстæгæй-рæстæгмæ æмбæлынц бынæттон цæрджытимæ. Ахæм фембæлдтыты сæйраг нысан у ацæргæ адæмæн социалон æххуыс кæнын.