Дзæуджыхъæуы райдыдта, æвзарæн хайæдты чи кусдзæн, уыцы æхсæнадон цæстдарджыты ахуырад. Йæ архайджытæн радзырдтой барты æмæ хæсты, стæй хъæлæс кæныны процессы тыххæй. Цæгат Кавказы хæххон-металлургон институты уыд сырх дипломтæ дæттыны мадзал. Æппæтæй фылдæр сырх дипломтимæ ис информацион технологиты æмæ электрон техникæйы факультеты. Национ музейы байгом Бигъуылаты Мæдинæйы куыстыты равдыст «Ускользающая реальность». Нывгæнæг бацæттæ кодта цымыдисаг экспозици, æмæ йæм бахаста 60 сюрреалистон куысты.