Йе 30 азы юбилей сбæрæг кодта Дзæуджыхъæуы разамынды институт. Кадджын мадзалмæ хуынд æрцыдысты хицауады уæнгтæ, республикæйы ахуырады æмæ зонады кусджытæ, институты ветерантæ. Джызæлы скъола-интернаты фæцис æрыгон педагогты сæрдыгон скъола «Методикон рунæтæ». 5 боны дæргъы архайджыты ахуыр кодтой уроктæ цæттæ кæныны æмæ сæ амоныны сусæгдзинæдтæ. Армрестлинг, фат æмæ æрдынæй æхсын, дур дардмæ æппарын... Хетæджы Къохы арæзт æрцыдысты Нарты хъæзтытæ. Фæсивæд сæхи фæлвæрдтой спорты алы хуызты, стæй ма сæ рæстæг дæр арвыстой пайдаимæ.