Республикæйы сæрглæууæг Сергей Меняйлойы разамындæй ацыд Цæгат Ирыстоны промышленнон продукцийы æнæзакъон зилдухы ныхмæ къамисы дыккаг æмбырд. Цы фарстатыл дзы цыди ныхас, уыдон хсæн лабораторон иртæстытæ. Хатдзæгтæм гæсгæ дзы аипдзинæдтæ нæ уыди. Фæлхасадмæ цæстдарды управлени дарддæр йæ цæст дары "Уæллаг Ларс"-ы уылты кæй ласынц, ахæм фæсарæйнаг продукцийы хæрзхъæддзинадмæ. Сбæрæг кодтой 240 машинæйы. Уыди сæ 3 мин тоннæмæ хæстæг кæсаджы, æхсыры æмæ дзидзайы продукци, холлæгтæ æмæ алыхуызон хъацæнтæ. Цæстдарæн мадзæлтты бæрæггæнæнтæм гæсгæ раиртæстой 6 закъонхæлды, ахæм уæзтæ фæстæмæ арвыстой кæцæй сæ ластой, уыцы бæстæтæм. Регионы ветеринарон управленийы размæ æвæрд æрцыди хæс - цæрæгойты æнæниздзинадмæ æмæ цы продукци уадзынц, уымæ карздæр домæнтæ скæнын. Уымæй уæлдай, фæлхасадмæ цæстдарды управлени дарддæр мониторинг кæны дзидзайы продукци ресторанты, кафеты æмæ хæрæндæтты цы уавæрты дарынц, уый. Сергей Меняйло куыд бадомдта, афтæмæй фылдæр æргом здахын хъæуы ахуыргæнæндæтты æмæ рынчындæтты хойраджы блоктæм, уыимæ æнæрлæугæйæ. æмбырды архайджытæ æрдзырдтой интернет-фæзты æмæ маркетплейсты уылты товартæ æнæзакъонæй уæй кæныныл дæр. Се ппæт фарстатæ дæр комкоммæ баст уыдысты республикæйы экономикæимæ.