Плиты Иссæйы мемориалон хæдзар-музейы ацыд патриотон изæр "Плиты Иссæ æмæ Хъазахъхъæгтæ". Мадзал баст уыди легендарон æфсæддон разамонæджы райгуырды 121 азы бонимæ. Скъоладзаутæн æмæ студенттæн бæстонæй радзырдтой Советон Цæдисы дыууæ хатты хъæбатыр, Монголийы Адæмон Республикæйы хъæбатыр, æфсады инæлары царды истори. Уый фæстæ фæсивæдæн скодтой викторинæ. Алкæмæндæр фадат уыди йæ зонындзинæдтæ бафæлварынæн нæ зындгонд æмзæххоны цардвæндаг зонынæй.