Дзарасаты Саукуыдзы номыл спортивон комплексы райдыдта Сыгъдæг Георгий Уæлахизхæссæджы номыл Кубок рамбулыны фыццаг турнир уæгъдибар хъæбысхæстæй. Архайынц дзы 100 лæппуйæ фылдæр, 10 азæй 14 азы онг кæуыл цæуы, ахæмтæ. Æвзонг спортсментæ ерыс кæнынц цалдæр уæзы категорийы. Ерыстæ саразджыты хъуыдымæ гæсгæ, мадзалы сæйраг нысан у рæзгæ фæлтæры удварны æмæ граждайнаг-патриотон хъомыладыл кусын.