Республикæйы аивæдты лицейы ахуырдзаутæн æмæ педагогтæн радзырдтой ирон адæмы традициты мифологон сюжетты тыххæй. Уæрæсейаг æхсæнад "Знание"-йы хъæппæрисæй арæзт æрцыд цымыдисаг фембæлд Сæлбиты Тамиримæ. Уый у Уæрæсейы наукæты академийы дзæуджыхъæуккаг наукон центры скифаг-сæрмæтаг иртæстыты Центры директор. Сæлбиты Тамир бакасти лекци ирон кафты символикæйы æмæ культурон уидæгты иртæстыты тыххæй. Стыр æргом ма аздæхта æндæр ахсджиаг фарстатмæ.