Вести. Аланийы хабæрттæ Дзæуджыхъæуы арæзт æрцыдысты зынгсирвæзтыты ныхмæ æмæ ирвæзынгæнæн спортæй ерыстæ Æннæхъæлæджы уавæрты министрады дæлхайæдты хсæн
23 мая 2025, 10:36
Дзæуджыхъæуы арæзт æрцыдысты зынгсирвæзтыты ныхмæ æмæ ирвæзынгæнæн спортæй ерыстæ Æннæхъæлæджы уавæрты министрады дæлхайæдты хсæн. Архайдтой дзы 18 командæйы, æдæппæтæй 100 адæймагæй фылдæр. Ерыстæ цæуынц 3 къæпхæнæй: асинтыл тагъд схизын, 100 метры дæргъы цæлхдурты сæрты ахизын, стæй æмхæццæ эстафетæ. Техникон хатдзæгтæ нымад цæуынц алы архайæгæн дæр хицæнæй, стæй уæд командæйы хыгъды.
