Вести. Аланийы хабæрттæ Ногир баиу кодтой ног дондзæуæнмæ
28 июня 2025, 09:43
Ногир баиу кодтой ног дондзæуæнмæ. Дзæуджыхъæуы Курсантов Кировцевы уынгыл чи цæуы, уыцы зæронд доны хæтæлтæ нал бæззыдысты, сæ куыст нал кодтой. Хæтæлтæ-иу арæх атыдтой æмæ-иу хъæуы цæрджытæ зындзинæдтæ æййæфтой, дон кæй нæ уыд, уымæй. Республикæйы донæй ифтонг кæнæн куыстуаты специалисттæ сæвæрдтой полиэтиленæй конд 600 метры хæтæлтæ. Ныр адæм доны фарстайæ къуылымпыдзинæдтæ нал æййафынц.
