Вести. Аланийы хабæрттæ Кировы районы минæвæртты сконд бахаста фæндон, Комсомольскæйæн "Æфсæддон намысы хъæуы" ном раттыны тыххæй
11 июля 2025, 15:22
Комсомольскæйы хъæу 1942-æм азы сси, немыцаг фашисттæн басæттын чи нæ бакуымдта, ахæм бынат. Цыдысты дзы карз тохтæ, фæмардысты сæдæгай салдæттæ. Ныр Кировы районы минæвæртты сконд бахаста фæндон, Комсомольскæйæн "Æфсæддон намысы хъæуы" ном раттыны тыххæй. Уынаффæмæ æркæсдзæн, республикæйы Сæргълæууæджы цур сæрмагонд къамис. Кæронбæттæн уынаффæ та рахæсдзæн Цæгат Ирыстоны Парламент. Бæлвырддæр хабæрттæ радзурдзæн Чехойты Фатимæ.
