Вести. Аланийы хабæрттæ Дзæуджыхъæуы Весеннийы уынджы клиника "Здоровье"-йы раз фæзы байгом Николай Пироговы бюст.
12 июля 2025, 10:13
Дзæуджыхъæуы Весеннийы уынджы клиника "Здоровье"-йы раз фæзы байгом Николай Пироговы бюст. Уый уыд дохтыр-хирург, профессор, æфсæддон-быдырон хирургийы æмæ анестезийы уæрæсейаг скъолаты бындурæвæрæг. Ацы хъуыддаг сæххæст кæныны хъæппæрис разынд республикæйы Парламенты депутат Гæбæраты Юримæ. Кадджын мадзалы архайдтой сенатор Виталий Назаренко, Парламенты, Хицауады, Дзæуджыхъæуы администрацийы, медицинон æхсæнады минæвæрттæ.
