Дзæуджыхъæуы 47-æм скъолайы ахуырдзаутæн экскурси сарæзтой сæрмагонд зынгхуыссынгæнæн-ирвæзынгæнæн хаймæ. Лæппутæн æмæ чызджытæн фадат уыд æцæг зынгсирвæзты службæйы куыстимæ, стæй æрвылбон æдасдзинадыл чи кусы, уыдоны архайдимæ базонгæ уæвынæн. Скъоладзаутæ федтой ирвæзынгæнæн хайы территори. Уæлдай цымыдисаг сæм фæкасти техникæ: артхуыссынгæнæн машинæ, кусæнгæрзтæ, хи хъахъхъæнæн фæрæзтæ.