Дзанайты Барисы разамындæй арæзт æрцыд Æрыдоны районы социалон-экономикон рæзты фæдыл æмбырд. Уый размæ та министрадты разамонджытæ бабæрæг кодтой профилон объекттæ. Базонгæ сты сæ архайдимæ, стæй аныхас кодтой куыстуæтты минæвæрттимæ. Социалон къабазы ахсджиагдæр хай у – цæрæнуæтты-коммуналон хæдзарад. Профилон министр Хъараты Тимур куыд загъта, афтæмæй Æрыдоны дондзæуæн куыстуат у республикон куыстуаты æппæтæй ахадгæдæр филиал.