Куысты бынæтты æппæтуæрæсеон армукъа "Время возможностей"-ы регионалон къæпхæн Цæгат Ирыстоны уыдзæн 17-æм апрелы. Кусдзæн 3 фæзы – æппæтæй стырдæр Дзæуджыхъæуы хæххон паддзахадон аграрон университеты бындурыл, стæй ма Алагиры æмæ Æрыдоны районты. Армукъайы республикæйы 40 куыстдæттæгæй уыдзæн 700 вакансийы онг. Архайыны фадат дзы уыдзæн алкæмæндæр. Мадзал аразджытæ æнхъæлмæ кæсынц мин адæймагæй фылдæрмæ. Армукъа бирæтæн бантысдзæн куысты фарста алыг кæнын. Куысты бынæтты армукъа республикæйы цæуы 4-æм хатт. Уыдонæй фæстаг 2 азы нацпроект «Кадры»-мæ гæсгæ. Армукъайы куыст дæттыны службæ радзурдзæн æппæт нырыккон гæнæнты тыххæй. Ацы аз ма сæрмагонд æргом аздахдзысты фæсивæды профориентацийы фарстатæм.