3 мин фондзсæдæ чиныгæй фылдæр ирон æвзагыл лæвæрд æрцыд республикæйы районты сывæллæтты рæвдауæндæттæн, стæй ахуырады æмæ наукæйы министрады бæрны цы куыстуæттæ ис, уыдонæн. Библиотекæты фондтæ фæхъæздыгдæр сты ног литературæйæ Цæгат Ирыстоны Сæргълæууæг Сергей Меняйлойы хæслæвæрдмæ гæсгæ. Проекты нысан у рæзгæ фæлтæры æргом здахын чингуытæ кæсынмæ æмæ мадæлон æвзаг ахуыр кæнынмæ, зонгæ сæ кæнын ирон адæмы культурæ æмæ традицитимæ. Ног чингуытæ сывæллæттæн баххуыс кæндзысты арфдæр æмбарын æвзаг æмæ раргом кæнын национ литературæйы хъæздыгдзинад.