Цæгат Ирыстоны цæрджытæ ногæй æххуысы къух бадардтой сыхаг Дагестанæн. Радон гуманитарон æххуыс арвитыны хъæппæрис расидти нæ республикæйы ахуырады æмæ наукæйы министрад. Се ххуысы хай бахастой скъолатæ, колледжтæ æмæ уæлдæр ахуыргæнæндæттæ. Фыццаг хатт нæ арвыстой гуманитарон фæрæзтæ, стæй, сæ хъуыдымæ гæсгæ, фæстаг хатт нæ уыдзæн ахæм акци, - зæгъынц йæ саразджытæ. Уæзласæн машинæты сæмбырд кодтой хæдзары хъæугæ техникæ, нуазыны дон, ахуыргæнæн фæрæзтæ. Æппæт хъæугæ дзаумæттæ æххуысхъуаг адæмæн. Цæгат Ирыстон æмæ Дагестан кæрæдзиимæ æнгом баст сты. Æрмæст хорз сыхæгтæ нæ, фæлæ ма бахъуаджы сахат кæрæдзийы фарсмæ æрбалæууыны æгъдауæй дæр.