Хицауады сæрдар Дзанайты Барисы разамындæй арæзт æрцыд Хицауады æмбрыд. Ныхас цыд цардархайды алы къабæзтыл. Стыр æргом аздæхтой агропромышленнон комплексæн кадртæ цæттæ кæнынмæ. 2 миллиард сомæй фылдæр радих кодтой Цæгат Ирыстоны культурæйы рæзтæн. Регионалон программæ конд у 2030-æм азмæ. Фæстаг азтæм сарæзтой æмæ сцалцæг кодтой 35 профилон куыстуаты. Уæдæ ныхас цыд культурон хæзнаты объекттæ хъахъхъæныныл дæр. Фæстаг азтæм уыдон сног кæнынæн радих кодтой 200 милуан сомæй фылдæр. Республикæйы территорийы ахæм объекттæ сты 2 минæй фылдæр. Боны фæткмæ ма хаст æрцыд регионалон программæ "Активон дæргъвæтин цард" 2025-2030-æм азтæн. Ивгъуыд азы хатдзæгтæм гæсгæ дзы бацархайдтой 15 мин адæймаджы.