Цæгат Ирыстоны Сæргълæууæг Сергей Меняйлойы разамындæй арæзт æрцыд Горæтаразæн советы æмбырд. Архайдтой ма дзы Хицауады Сæрдары фыццаг хæдивæг Атарты Георгий, арæзтады æмæ архитектурæйы министр Бетанты Марат, раззагдæр архитектортæ æмæ горæтаразыны къабазы специалисттæ. Ныхас цыд къабазы рæзты ахсджиагдæр фарстатыл, стæй сæ лыг кæныны мадзæлттыл. Регионы разамонæг куыд загъта, афтæмæй сæйрагдæр нысантæй иу у - иумæйаг куыст саразын, республикæйы горæтты æмæ хъæуты территориты архитектурон рæзтыл кусгæйæ. Ууыл хъуыды кодтам, Горæтаразæн совет аразгæйæ. Фæстаг 30 азмæ республикæйы иумæйаг горæтаразæн политикæ сси хуыздæрхъуаг. Абон хъæуы бæлвырд мадзæлттыл кусын, уавæр хуыздæрырдæм аивыны тыххæй. Уый канд хицæн объекттæм нæ хауы, фæлæ территориты комплексон рæзтмæ. Уыимæ хъæуы национ æмæ историон-культурон хæзнатæ хынцын, - загъта Сергей Меняйло.