Советон Цæдисы хъæбатыр Дзусты Ибрагимы номыл 46-æм скъола сси æфсæддон-историон музейты конкурсы уæлахиздзау. Æрвылаз арæзт æрцæуы парти "Иугонд Уæрæсе"-йы хъæппæрисæй, партион проект "Историон номарæны" фæлгæты. Скъолайы ис дыууæ экспозицийы. Баст сты Фыдыбæстæйы Стыр хæсты æмæ сæрмагонд æфсæддон операцийы хъæбатырты кадимæ. Музейы райрæзтыл активонæй кусынц ахуыргæнджытæ æмæ скъоладзаутæ. Ацы аз проекты архайдтой 1200 ахуырадон организацийы 75 регионæй. Федералон къæпхæнмæ рацыдысты 140 музейы 73 регионæй. Дзæуджыхъæуккаг скъолайæ фæстæмæ ма лауреат сси Дигорайы 1-æм скъолайы музей. 46-æм скъола Цæгат Кавказы федералон зылды раззагдæрты хсæн ис ныр æртыкккаг хатт. Фæсивæдæн æмæ сæ ахуыргæнджытæн сæ уæлахизы тыххæй арфæ ракодта Фуад Кязымов. Музейы рацарæзтæн сын радта 5 сæдæ мин сомæн сертификат. Ивгъуыды историон сыфтæ зæрдыл дарын æмæ историон æцæгдзинæдтæ бахъахъхъæнын - уый у "Иугонд Уæрæсе"-йы Адæмон программæйы фыццаградон хæстæй иу.