Дзæуджыхъæуы æфсæддон къамисарад цæттæ кæнын райдыдта æфсадмæ сидыны фæззыгон кампанимæ. Райдайдзæн 1-æм октябрæй. Уыцы рæстæгмæ специалисттæ хъуамæ бацæттæ кæной 3 сæдæ сиддонмæ хæстæг. Фæсивæдимæ кусдзысты профессионалтæ, бæрæг сын кæндзысты се нæниздзинад æмæ сæ æвзардзысты хайæдтæм гæсгæ. Уымæй уæлдай, æмбырд кæнынц контрактмæ гæсгæ баслужбæ кæнын кæй фæнды, ахæмты дæр. Сæ службæйы æмгъуыд уыдзæни 3 мæйы æмæ уымæй фылдæр.