Абон сæ профессионалон бæрæгбон бæрæг кæнынц паддзахадон автоинспекцийы кусджытæ. Бæрæгбон сфидар кодтой 2009-æм азы. Уыцы бон хуымæтæджы нæ равзæрстой. Æртыккæгæм июлы, 1936-æм азы адæмон комиссарты совет сфидар кодта автомобилон инспекцийы тыххæй уагæвæрд. Ныртæккæйы царды паддзахадон автоинспекцийæн ис уæлдай ахадындзинад. Бонæй бонмæ фæндæгтыл рæзы транспорты нымæц, уый та уæлдай бæрнондзинад æвæры барадхъахъхъæнджыты уæхсчытыл.