Дзæуджыхъæуы арæзт æрцыд кадджын мадзал. Быгъуылты Дзæуджы цыртдзæвæны раз горæты æмæ республикæйы районты рауагъдонтæн радтой сызгъæрин майдантæ. Ацы аз скъола иттæг хорз бæрæггæнæнтимæ каст фесты 141 адæймаджы. Лæппутæн æмæ чызджытæн зæрдиаг арфæтæ ракодтой Цæгат Ирыстоны Парламенты сæрдар Тускъаты Таймураз, Дзæуджыхъæуы бынæттон администрацийы сæргълæууæг Милдзыхты Вячеслав, стæй нæ республикæйы ахуырады æмæ наукæйы министр Алыбекты Эллæ.