Стадион "Спартачы" рацарæзтæн 1 миллиард æмæ 214 милуан сомы радих кæныны курдиатæн разыйы дзуапп радтой. Уый тыххæй аппаратон æмбырды фехъусын кодта республикæйы сæргълæууæг Сергей Меняйло. Бабар кодта цалцæггæнæн куыстыты цыд фæтагъддæр кæнын. Æмбырды ма ныхас кодтой, дзæгъæл цæрæгойты дарæн бынæттæ саразыныл Æрыдоны æмæ Мæздæджы. Проекттæ сæххæст кæнынæн бахъæудзæн 80 æмæ 156 милуан сомы.