Ацы аз республикæйы бæрæг кæнынц 3 номдзыд инæлары, Советон Цæдисы Хъæбатыртæ Плиты Иссæйы, Хетæгкаты Георгийы æмæ Мамсыраты Хаджумары райгуырды 120 азы. Уыдоны кадæн Советон Цæдисы 2 хатты Хъæбатыр Плиты Иссæйы хæдзар-музейы арæзт æрцыд мадзал "Æртæ инæлары". Бæрæгбоны концерт бацæттæ кодта Уæрæсейы адæмон артисткæ, Цæгат Ирыстоны Оперæ æмæ Балеты паддзахадон театры аивадон разамонæг Гергиты Ларисæ.