Тæбæхсæуты Балойы номыл Цæгат Ирыстоны паддзахадон академион театр хорзæхгонд æрцыди  æппæтадæмон театралон форум "Золотой Витязь"-ы дипломæй. Ахæм кады аккаг сси Уильям Шекспиры пьесæмæ гæсгæ вæрд спектакль "Король Лир"-ы тыххæй. "Национ сценæйы дунеон драматургийы дæнцæгтæ хуыздæр бакæсыны" тыххæй дипломы аккаг сси спектаклы режиссер Уалыты Гиви. Уымæй уæлдай, диплом радтой актрисæ Æгкацаты Аминæйæн дæр.