Æгъуызарты Русланы равзæрстой республикæйы Парламенты 7-æм æмбырды депутатæй. Радтой йын Гæззаты Юрийы мандат. Уый та æрæджы æрлæууыд физкультурæйы æмæ спорты министрады сæргъы. Парламенты æмбырды боны фæткы сæйрагдæр фарстатæй иу уыд регионы бюджет. Финансты министрады бæрæггæнæнтæм гæсгæ, 2024-æм азы уыдзæн профицитон. Æфтиæгтæ уыдзысты 37 миллиард сомæй фылдæр.