Вести. Аланийы хабæрттæ Сбæрæг сты республикæйы чемпионаты уæлахиздзаутæ грекъаг-римаг хъæбысхæстæй
10 января 2024, 10:57
Сбæрæг сты республикæйы чемпионаты уæлахиздзаутæ грекъаг-римаг хъæбысхæстæй. Ерыстæ цыдысты Дзæуджыхъæуы. Архайдтой дзы 70 лæппуйæ фылдæр. Сæ кармæ гæсгæ уыдысты 18 азы онг. Ерыс кодтой 12 уæзы категорийы – 42-йæ 120 килограммы онг. Турниры призон бынæттæ спортсментæн дæттынц, Цæгат Кавказы федералон зылды чемпионаты архайыны фадат. Уыдзæн 21-æм январы спорты галуан "Манеж"-ы.
